zai zama maraya sai rago,
sannan wannan ilimin shi zai sa ka samu yancinka a cikin al'umma,
a yanzu in na zauna tare daku, Mummy da su Anty Raudha bazasu taba barina in yi rayuwar yanci ba,
sannan bazan iya jurar ganin yaya Musaddiq da wa------

Shhhhhh...
Anty Raliya ta katseta saboda ganin junior na kokarin yin bacci,
sabashi tayi a kafaďa tace
"ina jinki?


Na dade da burin yin ilimi mai zurfi,
dan Allah ki goyamin baya in samu abinda zan tsaya da kafafuwa na,
banason mu kare a haka ni da zuri'ata,
kinfi kowa sanin rayuwar rashin gatan da mukayi mu da iyayenmu,
bana fatan mu kasance a cikinta ni da ďan da na haifa,
nayi miki alkawarin zan kare mutuncin kaina,
zan nemi kuďin halal inyi sponsoring kaina,
su uncle Taheer sunyi min duk abinda ya kamata dan uwa yayi maka,
yanzu zan fita in nema da kafata har Allah yasa na dace....



"Duniya nada faďi Nadeeyah,
ta ina zaki fara?
Gabas, yamma, kudu ko arewa?
Inada dukkan karfin da zan dauki nauyin karatunki a duk inda kike so,
bazanyi hakan bane sai da yardar wani naki,
shiyasa na kawo ki nan saboda ita kadai na sani a cikin yan uwanki, in yarintarki na faďa miki cewa duniya kankanuwa ce to kinyi kuskure,
domin ko a kaduna north kaďai aka barki an haďa ki da aiki dan bazaki taba sanin ta inda zaki fara ba,
ki dogara da Allah sannan ki nemi zabinsa akan duk abinda zai zame miki alkhairi a rayuwarki,
in karatun alkhairi ne ni zan dauki nayinshi har ki gama..
In kuma babu alkhairi to tabbas Allah zai nuna miki ta hanyar zama cikin yan uwanki...



Gyara zama Anty Raliya tayi bayan Taheer ya disa aya, kallonshi tayi tace
"Taheer zauna,
zauna muyi magana,
ka riga ka zama dan uwa,
babu abin da zamu boyeshi a gareka...


Bayan ya zauna ta kwantar da Junior ta dubi Nadeeyah,

"Tabbas maganganun ki gaskiya ne Nadeeyah,
nasani sarai a yanzu in har kika dawo cikin mu wasunmu bazasu bar rayuwarki da ta ďanki su inganta ba,
zan jure duk wasu matsalolin da nake gani a cikin yan uwana,
zan kauda tausayin nawa domin rayuwarki ta inganta,
nayi miki alkawarin babu wanda zaiji inda kike daga gareni,
yanzu inada wasu kuďaďe zasu kai 1.2m.. zan baka Taheer sai kayi amfani dashi ku koma can Canada da zama tunda Anty saude nacan,
in yaso duk abinda ciko ya biyo baya ka sanar dani,
sannan zan dinga turo da wasu yan kuďaden da zata dinga amfani dasu,
nayi alkawarin inganta rayuwarki da ta Daddyna in shaa Allah...


Hawayen dake zuba a kuncinta Nadeeyah ta share mata ta tsuguna tana mata godiya kamar zata bauta mata..

Kallonsu Taheer yayi cikin tausayawa da farin cikin cewar akwai mai kaunarta a cikin yan uwanta...

"Anty Raliya,
ba sai kin bani ko sisi ba,
nima ki barni in samu ladan marainiya,
babu mamaki sanadin hakan ya sanya na samu biyan bukata a gurin Allah sannan zanyi hakan sadakatul jariya Allah ya kai ladan kabarin mahaifina....



Murna sosai Anty Raliya tayi ta dinga mishi godiya da addu'ar samun abin da yake so cikin sauki ba tare da yasha wahala ba..



Bayan yaci abinci ya koma gidansu ya bar Nadeeyah da junior Anty Raliya nata musu hidima kamar kar su tafi....




Wannan shine mafarin zaman Nadeeyah da junior a gurin su Taheer..



Da farko da suka koma Anty Saude kin yarda tayi da zaman Nadeeyah a gidan,

Duk da tana kaunar zaman junior haka ta rufe ido dan gudun kar ďanta ya koma gidan jiya,

Saida ya tubure yace shima zai bar gidan sannan ne ta amince da sharaďin bazai taba zuwar mata da zancen soyayyar Nadeeyah ba...


Ba tare da doguwar jayayya ba ya yarda dan a lokacin so yakeyi yaga ya taimaketa ya mayar da ita cikakkiyar mace.....





Cikin sauki yasa Kamal ya turo da result dinta na waec sannan ya fara cuku cukun samar mata makaranta mafi kyau ta mata zalla a canada....



Ba tare da bata lokaci ba ya samar mata ta fara zuwa,
da fari rainon junior yana dan bata wahala saboda yadda karatun yazo mata,
saidai kuma cikin ikon Allah Anty saude ta hanata fita dashi ko nan da can a cewarta rana na matsa mishi...


Soyayya da kauna babu irin wacce junior bai gani ba a gurinsu,
shekararshi daya ta yayeshi a nono saboda wahalar da karatu ke bata,
nan Taheer ya maida ita Hostel saboda ta samu nutsuwar yin karatu,
hutu kadai ke dawo da ita gida...



Hakan ya sanya hankalin Anty saude kwanciya dan taga sam hankalin danta baya gurin Nadeeyah...
a yanzu bata da burin da ya wuce ta hadashi da Amal domin tana matukar kaunar yarinyar,
koda ta sameshi da maganar nuna mata yayi ta jira Amal din ta gama karatu...
a haka dai rayuwarsu ta cigaba da tafiya yau da dadi gobe babu saboda dama haka rayuwar duk dan Adam take...




Ranar da ta kammala karatunta ta fito da sakamako mai kyau Taheer yayi farin ciki matuka domin dama hakan yake so, yana son daga ta gama ta fara practicing aikinta...


A yanzu kuwa Nadeeyah ta zama wayayyar mace wacce tasan yancin kanta,
in ka ganta shuru to a gaban Taheer ko Anty saude take,
amma a school bakinta buďe yake, ko wani irin presentation da defense da ita,
bakinta ya goge sosai da kwararren turanci wanda in tana yi zaka rantse baturiya ce...

Bata kara girma ba saidai ta murje sosai kamar renon turawa.....




Ajiyar zuciya yayi bayan ya gama tunano duk abubuwan da suka faru a baya,

Sai a yanzu sharaďin mahaifiyarshi ya dameshi da ta fara tuna mishi maganar Amal,
yaya zaiyi ya nusar da ita bazai iya zama da kowacce mace bayan Nadeeyah ba,
ya zaiyi da soyayyar da ya dade yana danneta a cikin ranshi..


Juyi yayi ya rungumi pillow kamar karamin yaro,

"Ya Allah karka kawo abinda zai rabani da Nadeeyah..

Abin da ya fadi kenan cikin nukurkusar soyayya,
soyayyarta na cin can cikin ruhi da bargon jikinshi,
daurewa kawai yakeyi saboda baya son ya furta mata taga ko domin haka ne ya taimaketa,


karar agogo yaji alamar hudu tayi,
mikewa yayi ya nufi bayi dan watsa ruwa...


Zuciyarshi cike take da tunanin yadda zai fuskanci duk mutane biyun nan masu muhimmanci a rayuwarshi da sirrin zuciyarshi,


Runtse idonshi yayi lokacin da ruwa ya fara ratsa tsakiyar kanshi,
ajiyar zuciya ya dinga jerowa yana jin wani abu na tsargawa a jininshi..


Wannan abu babu mai fahimtarshi sai wanda ya taba tsintar kanshi cikin matsananciyar soyayya......




Cikin coffee jallabiya ya shirya yayi sallahr la'asar ya fito ya nufi dakin junior dan ganin ko yayi sallar...



Shi kanshi yasan yazama tuzuru domin yanzu kiriss ya rage ya shiga arba'in,
in har zaiyi ma Momma adalci yasan dole taso taga zuri'arshi,
da wannan zancen zucin ya isa dakin Junior wanda yake kusa da na su Nadeeyah..


Daki ne na musamman Anty saude tayi mishi domin faranta ranshi,


Da katuwar kwallo yayi karo a bakin kofa,
can ciki kuma tulin kayanshi ne da ya zubosu daga cikin drawer,
dayan gefen kuma takardu ne na sketch dinshi da katon Allon da ake koya mishi...



Can cikin luntsumammiyar kujerar dake gaban tv ya hangoshi sanye da sky blue riga da jan gajeren wando hannunshi dauke da control din game yana bugawa...

Ta jikin switch din ya kashe tvn ya karaso ya mika mishi hannu,
"Tashi muje sallah,
ajiye game din yayi ya kwantar da kanshi jikin kujera haďe da noke wuya,


Zaro ido Taheer yayi yace
"Sallah fa Junior,
wasa kakeyi sweetheart tashi kaji,
in ka idar da sallah sai muci abinci muje yawo,
cire glass din idonshi yayi ya fara sosa idonshi yana shirin yin kuka,


Hankali tashe Taheer ya zauna ya daukeshi a jikinshi,
"waye ya taba min kai?
Faďa min,

"Mamma..
ya faďi a hankali kamar me raďa,
"Me tayi maka? Faďa min,

kayan dake kasa ya nuna mishi yace
"wai sai na kwashe da kaina ko ta min bulala,
Daddy zan iya kwashewa?


Dariya Taheer yayi yace
"Ina fa zaka iya,
nasan dai ka iya zubarwa amma kwashewa sam bazaka iya ba,
rabu da ita,
zansa Amal ta kwashe,
kuma in zaka sa kaya ka kirani inzo in dauko maka kaji?
Gyaďa kai Junior yayi haďe da rungume Taheer yace I love u Dad...
"love more dear,
tashi muje.....



*********

Sauri sauri ta wanke hannunta da liquid soap dan gudun kar wayarta tayi karni,
kafin ta isa ta dauki wayar har ta kuma katsewa a karo na uku,
bin bayan kiran tayi da sauri,


Saida wayar ta kusa tsinkewa taji an ďaga,


"Hello Aunt Rally!!,


A kiďime ya cire wayar a kunnenshi ya sake duba number me kiran, *M J Canada* sake maida wayar kunnenshi yayi,


Cikin harcen turanci wanda ko me take faďi saita haďa dashi tace "yhu der?
Jingina yayi da ginin gurin dan yadda yaji kanshi ya fara juyawa, samm bazai iya tuna inda yasan muryar nan ba, amma ruhinshi ya tabbatar mishi yanada alaka da mai muryar,
"will call back may be ba network...
kittt.. yaji ta kashe,
bai cire wayar a kunnenshi ba sai muryarta daketa mishi amsa kuwwa...



Gabanta ne ya faďi da ta doso gurin da ta bar wayarta taga Musaddiq da ita a kunne,
cikin dakiya ta zare wayar tace

"Little kai ne yau a gari,
kallo ya bita dashi da kyawawan fararen idanuwanshi,


Karaso ka zauna mana,
ko ka shiga force ne ban sani ba, ta karashe cikin zolaya,


Babu laka a jikinshi ya karaso ya zauna,
zamanshi yayi daidai da sake shigowar wayar,

Dakewa tayi dan kar ya gane ta dauki wayar,
kafin ta kaita kunnenta tace "Maraba da Dikuu,
yau an tuno damu,

Hello Maman junior ya kike?
Ina Daddy na,
da sauri Nadeeyah ta kashe wayar numfashinta ya shiga safa da Marwa..


Ita kuwa Raliya cigaba da wayarta tayi tana dariya kamar dayan bangaren ma ana magana,
saida tayi minti daya sannan tace "Kiyi hakuri inada bako, kanina yazo gida after a long period of time,
to sai na jiki ta ajiye wayar a gefenta..




Diku kaga yadda ka zama kuwa?
kuďi sun zauna ka manta damu,
yaushe ka dawo daga Malay?


Ajiyar zuciya yayi ya fara kauda tunanin mamallakiyar muryar nan,
Shekaran jiya,
Ance Mummy bata da lafiya shiyasa nazo dubata,
me akeyi a gidan ne naga ya cika?


"Bikin Rilwanu almajirin Goggo, Baffa,
ya bashi dakin waje yasa amaryarshi,
walhy stress ne yake damun Mummy,

Yaushe Daddy zai dawo daga Holland? ta tambaya cike da kosawa,
dan taci alwashin in shaa Allahu wahalar mahaifiyarta tazo karshe tunda yanzu kam ta gane kuskurenta fiye da tunani...


Kasumbar daya tara a fuskarshi ya shafa yace
"Zan je in sameshi jibi,
zamu wuce Canada gurin wani taro,
In shaa Allahu next week ko upper zamu dawo tare,
to Allah ya kaimu ta faďi tana mikewa dan kawo mishi abin ci da shi...




Wai ya maganar aure ne Little,
haba, ka zama tuzuru,
komai ya zauna,
ya kamata ace ka ajiye iyali sune cikar mutuncinka..


Zai bata amsa kenan wayarshi tayi kara,
da sauri ya dauka annurin fuskarshi ya karu sosai,


"Habibi! ta faďi cikin shagwaba..

Yess My Baby,
hw r u? ya amsata cikin kulawa..


"Fine sweetheart..


"Yhu sure My life? Ya tambaya cike da kulawa..


"Yeah buh i wanna see yhu,
yadda ta make murya kamar zatayi kuka yasa yayi saurin kashewa dan suyi video call,
tab dinshi ya dauko ya kirata...

Nan take kyakykyawar yarinya yar shekara hudu ta bayyana, gashin nan yasha gyara da jan ribon,
rigar jikinta ma jace mai tsananin taushi,
tana da yar kiba wanda ya kara ma fuskarta kyau...


"Yeyyy Habibi,
i love uu,

"Like wise my angel.. muahhh..

Sai a lokacin hankalin Anty Raliya ya kwanta,

"Nadeeyah ce?,
juyota in ganta,
yar banza in ba iyayenta da kai ba, bata yarda da kowa,
juyo mata ita yayi yana dariya yace

"Matsa mata kukeyi, ku kyalemin matata tayi abin da ranta yake so...



Tana ganin Anty Raliya ta hada rai haďe da turo baki,
dakuwa Anty Raliya tayi mata tace

"Ubanki Hilal kikayi ma,
daga nesa ta hango Hilal yana dariya a gefen gadon yace

"Nagode Anty,
na karba,,


Wai Hilal bazaka zo gurin yan uwa yarinyar nan ta sanmu ta ganemu ba,
wallahi zanzo in dauketa in dawo da ita nan saidai ta mutu da kuka...


Karbar wayar yayi yana dariya yace
"kinsan Allah da kin kyauta, fitinar yarinyar nan sai irinku, gara a ďan gyara mata zama,
Musaddiq ya batata da yawa,
nan fa suka cigaba da hira da Hilal har Maleeka ta shigo ta zauna akayi da ita.......





Uncle...
ta faďi murya can kasa,
Rufe mujallar hannunshi yayi ya fuskanceta sosai,

"Nadeeyah ya akayi?
Kina san wani abu ne?

Girgiza kai tayi tana murmushinta mai sanyi,
takarda ta mika mishi tace

"An gayyacemu wani taro ne a Hallmark..
shine na kawo maka,
buďe takardar yayi ya duba sosai,
ganin karuwarta ce yasa shi cewa Allah ya kaimu ya kuma bada nasara,
godiya sosai tayi mishi ta mike ta koma cikin daki...


Ajiye jaridar yayi ya luntsuma cikin tunani,

lokaci yayi da ya kamata ya sanar ma Nadeeyah abinda ke ranshi,
burinshi ya shawo kan mahaifiyarshi kafin ya gabatar mata da bukatar zuciyarshi...






Momma.. ya faďi haďe da kwantar da kanshi a kan cinyarta,
hannu tasa tana shafa kanshi haďe da cewa yau shagwabar ce ta tashi,
hannunshi ya daura akan nata ya rike sosai,


Momma Junior is lvin us soon,

"Saboda me?
Ina zashi?
Ta faďi da alamun tashin hankali,
ya za'ayi ta iya zama a gidannan ba tare da Mukhtar ba,
inaa sam saidai in Nadeeyah ta siyar mata dashi amma ko sama da kasa zasu haďu bazata taba bata shi ba...
maganar da takeyin ta a zuci ta fito fili,

Wani irin sanyi Taheer yaji a cikin ranshi dan a yanzu shawo kanta bazai mishi wahala ba...

"Momma dole ya barmu,
yana da uba,
kuma itama mahaifiyarshi dole zata barmu tayi aure,
a wani dalili zata bar mana danta?

"A wani dalilin zata daukeshi ta kaishi agolanci wani gidan,
wallahi bata isa tace zatayi aure ta tafi dashi ba,
yadda take haki ya sanyashi mikewa zaune...


"Calm down Momma,
babu abinda muka haďa da Nadeeyah,
ina faďa miki ne dan na kusa maida ita gida,
kuma kinga tunda babu abinda muka haďa bazata bar mana danta ba...


Rau rau idon Anty Saude yayi tana shirin fara kuka,
gaskiya ne Tee babu abin da muka haďa da ita,
amma ai tasan rabani da Mukhtar abu ne mai wahala,
zata wahala dani matuka,
Allah ya daura min kaunarshi a cikin raina..


"Ki kaunaci mahaifiyarshi Momma,
Nadeeyah ba muguwa bace,
bari in baki labarinta,
ta yiwu ki tausaya mata ki barni in aureta kodan mu taimaki maraicinta..
cikin nutsuwa ya bata labarin Nadeeyah wanda saida ya sanyata zubar hawaye,
tausayin Nadeeyah da soyayyar junior ta sanya Anty saude ajiye dukk makamanta, ta yarda da batunshi sannan ta umurceshi da ya sanar da Nadeeyah domin ta kira can Nijar suje nema mishi aurenta..


Cikin jikinta ya shige ya fashe mata da kukan murna,
jikinshi har rawa ya farayi saboda tsabar farin ciki,
Addu'ar da ya kwana yi Allah ya amsa mishi...

Alhamdulillah...
ya dinga jerowa babu adadi.....




Shigar bakar doguwar riga tayi wacce ta ďan kamata ta ko ina,
can kasan shima a tsuke yake saidai a tsage yake dan jin dadin tafiya,
ta yane yellow dankwali a kanta,
dan karamin yellow dankunne ta maķala a kunnenta sai sandals mai tsini yellow wanda a yanzu sashi ya zama sabon ta..


Kamshin da take fitarwa abin dadi ne domin kamshi ne mai ratsa zuciya..

"Haba Anty Amal ba rakiya?
Juyi Amal tayi a kan gado tace "Wallahi Anty Mamma project zan kai karfe tara,
naso zuwa inga yadda zaki ruďa min su,
dariya Nadeeyah tayi ta dauki jakarta tayi waje,



Dakin Amaan ta nufa dan ta dauka shi zai kaita,
a parlor ta hangosu su biyu a tsaye suna jiranta,

Gezna shadda suka sa blue iri ďaya haďe da hula,
sunyi matukar kyau a sanyin safiyar nan...


Da murmushi ta karasa gurinsu, saidai duk ta tsargu da kallon da Taheer yake mata,
samm yaki dauke idonshi a kanta,


Wani irin sonta yakeji kamar ana ingizashi,

"Ina kwana,
Lafiya kalau Mamma!
Ya amsa har lokacin bai daina binta da kallo ba,

Sunkuyar da kanta kasa tayi ta kama hannun junior tace
"Harda kai,
zaka bar Momma cikin kewa ko?
Koma gida,


Noke wuya yayi ya kankame Taheer yace
"Daddy ne yamin wanka dan mu fita,
ni sai naje,

agogon hannunta ta kalla tace "7:40 uncle,
8 zasu fara,

wucewa gaba yayi yana faďin muje na manta ne,
bin bayansu tayi suka shiga motar suka wuce......





Mrs Tijjani Shattimah.....
[11/06 8:35 PM] +234 807 161 1811: •• *ZUMUNCINMU A YAU* •• 7⃣3⃣
By *Aysha Ya'u kurah*






Hall din ya cika makil da turawa da bakar fata domin taro ne na karawa juna sani a kasa da professor's suka shirya,
duk wasu dalibai da suka gama makaranta a kowani course an gayyaci mutum daya a cikinsu domin ya wakilcesu,
kaf universities din dake Ontario a law su biyu kadai aka turawa gayyatar,
daga ita sai dan wani makaranta Godwin...




Cikin kwararren turanci professors din suka fara gabatar da abunsu,
bayan sun gama bayanansu aka shiga jefo tambayoyi ga masu professional courses domin asan yadda karatun nasu zai amfanesu,
da doctors aka fara,
sai engineers,
tafi tafi har aka iso kan Barristers....



Tambayace akayi musu na yadda zasu gane mai laifi, kuma cikin kankanin lokaci su wanke marar laifi...



Cikin zazzakar muryarta tace
"Assalamu Alaikum,
Nan fa guri ya dauki shiru har wadanda suke ba musulmai ba,

Cikin kwarewa ta dinga jero yadda za'ayi a fidda mai laifi cikin kagen da aka mishi,
in ta hau kan common law sai ta sakko zuwa islamic law kamar yadda aka koyar musu...




Musaddiq dake cikin masauki yana jiyo komai da akeyi daga Hall din domin cikin Hotel din ne kuma kusa da dakinsu..
bai fara jiyo su daga farko ba dan yana waya da little Nadeeyah,
tun yana daure jin muryar har ta kaishi ga mikewa ya sanya riga ya fita...




Jiki