kanta a matsayin sarauniya, wasu kuma a ƙasa suna durƙushewa.
Sai wata yarinya—’yar scholarship—ta yi kuskuren amsa tambaya.
Maayah ta miƙe tsaye.
“Ke!” ta nuna ta da yatsa.
“Wannan amsar taki ta ɓata min kunne. Kina lalata min ajin alfarma. Ki fita yanzu!”
Malamin bai yi magana ba. Ajin ya yi shiru kamar an rufe numfashi.
Bayan haka, Maayah ta ɗauki waya a hankali, tana murmushi mara tausayi. Ta kira wani saurayinta na wasa...

“Yanzu ka fita, ka siyo min Ice Cream mai zafi! Kuma dole ne ya zama mai sanyi!” (Wata sabuwar fitina ce kawai don ta ji daɗin ikon ta!)

Ta katse wayar, ta jingina a kujerarta.
A wannan aji—
Gimbiya Maayah ce doka.
Ikonta ya fi na malami.
Babu wanda ya isa ya taɓa ta.
Babu wanda ya isa ya ce mata a’a....

Bayan Khausar ta kori yarinyar scholarship kuma ta aika boy friend ɗin ta na wasa neman ice cream mai zafi, aji ya koma cikin shiru da tsoro. Kowa yana jiran karin darasi ko kuma wani sabon fitina daga Gimbiya.
A wannan lokaci ne, Babban Malami ya shigo aji tare da wani Saurayi Mai Kyakkyawan Surar Jiki! Wannan saurayin tsaunin mutum ne! Yana da kirar jiki mai cike da alhurma da ƙarfi, sannan Sajen fuskarsa a kwance luf-luf, wanda ya ƙara masa wani irin kwarjini!
Malamin ya gabatar da shi. “Ya ku ɗalibai, ga Sabuwar Malamin ku na Siyasa da Tarihi! Malam ZAIN! Ya dawo daga wata babbar Jami’a a ƙasashen waje! Zai koyar da ku da tsanani! Kuma ina rokon ku ku ba shi cikakkiyar biyayya!”
Malam Zain ya zuba wa ɗalibai ido. Fuskarsa a ɗaure take da tsauri da iko!
Arangama ta Farko: Bi ni ko Mutu
Duk ɗalibai aji sun miƙe tsaye, ciki har da Malamin Darasi na Dā! Suka yi Gaisuwa da Girgiza Kai ga Malam Zain!
Sai dai Gimbiya Khausar!
Khausar ta yi zaman ƙasaita! Ta ɗora hannu ɗaya a teburin ta, bata da niyyar miƙewa ko yi masa gaisuwa! Ikon Sarauta bai yarda da girmama Malam ba!
Malam Zain ya zuba mata ido! Bai nuna mamaki ko tsoro ba! Ya zama tazara mai ban tsoro a cikin ajin!
Kowa ya shiga tsoro! Sun san cewa Khausar ba ta gaisuwa ga kowa! Kuma sun san cewa Malam Zain ba Malami mai tsoro ba ne!
Malam Zain ya ajiye jakarsa a tebur! Ya nufi Gimbiya Khausar a hankali! Ya tsaya a gaban teburin ta! Ya sanya hannun sa a tebur da ƙarfi, ya kalle ta cikin tsantsar idon ta!
“Ke!” Ya furta da murya mai ƙarfi da tsauri! “Miƙe tsaye!”
Khausar ta zaro idonta cike da tsoro! Babu wanda ya taɓa yi mata irin wannan maganar a cikin rayuwar ta! Ba ta gane cewa wannan malam baya tsoron ta ba!
Khausar ta yi murmushin izgili! “Wa kake gayawa haka? Malam, na ga ka shigo aji! Amma ni ba ɗaliba ba ce! Ni Gimbiya Khausar ce! Kowa a aji nan zai gaishe ni! Kuma ba ni da lokacin miƙewa!”
Malam Zain ya kalli ɗaliban aji! Ya ga tsoro a idanun su! Ya gane cewa Khausar ce Sarauniyar Aji!
Ya yi murmushi mai sanyi da tsauri! “Ki yi shiru! Idan har kina son zama Sarauniya a cikin gida! Amma a cikin wannan aji, ni ne Sarkin ki! Kuma a cikin wannan aji, duk wanda ke da rai dole ne ya miƙe tsaye idan Mai Iko ya shigo!”
Ya sake cewa da murya mai ƙarfi da tsauri!
“Miƙe tsaye, Khausar! Yanzu! Idan har ba haka ba, zan fitar da ke daga aji! Kuma zan sanya a rubuta miki laifi a cikin record ɗin ki! Ni ba na jin tsoron kowa! Ko da kuwa Ƴar Wacece ce!”
Khausar ta yi fari tas! Jikinta ya fara rawa! Ta fahimci cewa wannan mutumin baya wasa! Tana iya ganin azabar hukunci a cikin idanun sa!
Dole ne ta zaɓa: Girman Kai na Sarauta ko kuma Biyayya ta Farko!
Khausar ta tashi a hankali, amma cikakkiyar fushi ya rufe fuskarta!
“Wannan shine na ƙarshe!” Ta furta da murya mai rauni!
Malam Zain ya yi murmushin nasara! Ya shiga cikin cikakken iko!
“An gaishe ni! Yanzu ki zauna! Kuma ki mai da hankali! Idan har kika sake yi min raini! Zan hukunta ki yadda ba za ki taɓa manta ba! Gimbiya!” Ya jaddada kalmar Gimbiya da izgili!
Khausar ta zauna! Fushin ta ya haura sama! Cakwakiya ta fara!


Uncle Raees ya koma teburinsa. Ya gyara sajen fuskarsa da kwanciyar hankali!
“Yara, ni Bako ne a aji nan! Kuma ina buƙatar sanin sunanku da halinku! Daga yau, tsari na zai zama Ilimi shi ne Sarki! Ba Mulki ba! Kuma duk wanda ke zaune a aji nan Jahili ne da ya zo neman ilimi! Don haka, babu wanda ya fi wani! ”
Ya ɗauki litattafan Computer Science! Ya zuba wa ɗalibai ido. “Za mu koyi Computer Science yanzu! Kuma zan fara da jerin sunayen ku! Duk wanda zai faɗi sunansa dole ne ya miƙe tsaye!”
Tilastawa da Juriya
Ɗalibai suka fara miƙewa ɗaya bayan ɗaya, suna faɗin sunayensu cikin girmamawa. Lokacin da aka zo ga jerin sunayen (register), Uncle Raees ya kalli jerin sunayen har ya zo kan Khausar.
Khausar ta yi zaman ƙasaita! Ta ƙi miƙewa! Ta harara wa Uncle Raees! A cikin zuciyarta: “Wane ne wannan mutumin? Ashe bai san wacece ni ba? Wannan rashin kunya ne!”
Uncle Raees ya taka zuwa wurin Khausar! Ya tsaya a gaban teburin ta! Ya kalli kowane ɗalibi a aji!
“Wannan Gimbiya fa? Ko sunan ta za ta faɗa da girman kai?”
Khausar ta dube shi da girman kai! “Class! Me kuke jira? Ku sanar masa mana! Wannan ina ga bai san aikinsa ba! Ko kuma yayi gangancin wulaƙanta ni!”
Wasu daga cikin ɗalibai sun shiga shirin faɗa masa sunan ta (saboda tsoro), amma Uncle Raees ya katse su da tsawa!
“Ku yi shiru! Ita nake so ta miƙe ta faɗa sunan ta! Domin duk ɗaya kuke a aji nan! Ba mulki ba! Ba siyasa ba! Ba iko ba! Ba kuɗi ba! Sai Naman Ilimi wato Yaƙi da Jahilci! Domin duk wanda yake zaune a ajin nan Jahili ne, yazo neman ilimi!”
Khausar ta yi murmushi mai izgili! Ta girgiza kai! Taƙi miƙewa! Tana tunani: “Wannan malamin ya fi rashin kunya fiye da Fatsu!”
Hukunci Mai Zafi
A fusace, Uncle Raees ya buga teburinta da ƙarfi! Wani babban sauti ya cika ajin! Har sai da Khausar ta zabura! Ba ta son tsawa!
Uncle Raees ya sanya hannun sa a tebur, ya kalle ta da tsantsar tsawa ta Turanci:
“You are very stupid! Stand up! You have absolutely no respect for the rule of law! Who do you think you are? You are a student, and in this class, you are nobody but a learner! Miƙe! Sanar da sunanki yanzu!”
Khausar ta yi fari tas! Cikin baƙin rai da tsanani, ta miƙe! Sai da ta ɗauki mintuna kafin ta buɗe baki.
“Name: SHAHZADI NOOR MUHAMMAD ALHAMRA! Better known as Khausar!” Ta furta da girman kai!
Tana furtawa, ta zari jakarta! Tana shirin fitowa daga aji! Alamar cewa ta gaji da wannan wulaƙancin!
Uncle Raees ya yi saurin riƙo hannunta! Ya zaro ido da fushi mai zafi! Ya yi magana a fusace cikin Turanci mai tsanani!
“I am not done with you! You will sit down right now and write an apology letter to this entire class for your display of poor character and arrogance! You will not leave this class until I dismiss you! Sit down!”
Uncle Raees ya zaunar da ita da ƙarfi! Khausar ta zauna! Jikinta ya yi sanyi! Fuskarta cike da hawaye na fushi! Wannan mutumin ya karya ikon ta!
Malam Zain (Uncle Raees) ya koma teburin sa! Ya fara darasi a kan Harshen Computer (Computer Language) kamar babu abinda ya faru! Amma Khausar ta zama cikakkiyar Jahiliya a aji! Ba za ta taɓa gafarta wa Uncle Raees ba!....

*Likes ɗinku shine albashin marubuci*

👍 Like
🔁 Share
💬 Comment


*👑 MASARAUTAR ALHAMRA 👑*

_🪄 Gidan Mulki, Iko da Sirrin Zuciya 🪄_

✍🏽 By ASMEETAH WRITER
~Hasken Jajirtattu~


💪 *JAJIRTATTU WRITER'S ASSOCIATION*💪 ✍️

```JARUMAI WRITERS TEAM```

▶️ DON BIYO DAGA FARKO 👇
🔗 WhatsApp Channel:
https://whatsapp.com/channel/0029VbBCNlqJUM2RQwWncg43

📚 ArewaPen:
https://arewapen.com/u/asmeetahwriter

📖 Wattpad:
https://www.wattpad.com/user/asmeetahwriter

📲 Contact:
09065443871

📅 FARA TURA BOOK:
🔥 01 — 01 — 2026 🔥

📘 BOOK ONE
```MATAKIN FARKO```

CHAPTER 2️⃣7️⃣

*بِسْمِ اللَّهِ الرَّحْمَٰنِ الرَّحِيمِ*


Saboda tsantsar fushin da Chief Onyx ya nuna, hakan yasa yanzu kowa ya koma matsayinsa..

Gely ta koma yadda take a da na’ura mai bin umarni ba tare da nuna wani shauki ba... Tana yin dukkan ayyukanta cikin kwarewa, shirya ofis da tura sakonni, tana nan tsaye a bayan Chief koda yaushe in har ba wani aiki ya sanya ta ba...
Ta daina nuna kishi amma idanunta na na’ura koyaushe suna bin kowane motsi na cikin gidan...

Ching Ching kuwa, duk da cewa fushin Chief ya tsoratar da ita, amma tana nan da dabi’arta. Ta fara yin ayyukan wanke-wanke da goge-goge cikin ɓacin rai, amma duk sanda ta ga Gely ta zo wucewa, sai ta nemi abin da za ta faɗa don ta ɓata mata rai...

Wata rana, Ching Ching tana share falon Chief inda Gely take tsaye tana duba wasu takardu...

Ching Ching ta matso da tsintsiyar ta har karkashin kafar Gely, ta fara sharewa da karfi, tsintsiyar na dukan sawayenta...

"Ke! Matsa min a wurin!"

Ching Ching ta faɗa tana hararar Gely...
"Kin zama bango a nan, ko kin manta Chief ya ce ke na'ura ce kawai? Matsa na goge wurin, 'yar gwangwani kawai...."

Gely ta matsa gefe ɗaya a hankali ba tare da ta nuna ɓacin rai ba...

"Shugaba Ching Ching, tsaftace falon nan aikinki ne. Amma ki sani, duk tsintsiyar da kike bugana dashi, na'urar jikina tana daukar hoton yadda kike bata aiki."..

Ching Ching ta yi dariyar raini...
"Hoto? Oho miki! Ke dai kin ji haushi don kin ga Chief ya daina bari kina zama a cinyarsa. Ni ko da ya kore ni, ai ya taɓa sumbata ta... Ke fa? Ko taɓa ki baya son yi yanzu."

Ta matso kusa da kunnen Gely ta raɗa mata..

"Ko kin gyara ofis ɗari, ni ce mutum a nan, ke kuma inji ce. Kuma ko ba daɗe ko ba jima, sai na sake sanya shi ya kalle ni..."

Gely ta ci gaba da kallon takardun hannunta...
"Lissafi na ya nuna cewa mutum yana da saurin mantawa da haɗari... Ina baki shawara ki nutsu, kafin Boss ya cire ki daga matsayin 'yar aiki ya mayar da ke 'yar gudun hijira."

Ching Ching ta murguɗa baki ta wuce tana rera waƙa..

_"Gwangwani... gwangwani... ko an gyara ta, gwangwani ce!"_

Duk da cewa Gely ba ta nuna komai ba, amma a cikin kwakwalwarta ta na’ura, tana ta lissafa dukkan cin mutuncin da Ching Ching take mata. Ta san cewa Chief ya hana ta nuna soyayya ko kishi, amma bai hana ta kiyaye doka ba. Don haka, ta fara neman duk wani ƙaramin kuskure na Ching Ching don ta kai kararta wurin Chief, amma ta yadda Chief zai ga ita Gely mai gaskiya ce....

✨✨

Bayan kwanaki da Chief Onyx ya ja musu kunne, gidan ya yi tsit, kowa yana ƙoƙarin kiyaye iyakarsa..

Chief ya rage yawan magana, ya nutsu cikin ayyukansa na ofis, yayin da Gely da Ching Ching suke gudanar da nasu ayyukan kamar yadda aka tsara..

Ching Ching tana yin shara da goge-goge, amma zuciyarta ba ta daina bugun neman dabarar yadda za ta sake kusantar Chief ba..
Tana share falon ofis, tana kallon Chief ta ƙarkashin ido, tana son ta sake jin wannan ɗumin jikinsa, amma kwarjininsa ya hana ta magana...

Gely kuwa tana tsaye a gefen Chief, tana miƙa masa takardu cikin tsari... Ko kallon inda Ching Ching take ba ta yi ba, amma tana lura da duk yadda Ching Ching take ta murguɗa baki tana share ƙarƙashin teburin Chief..

Kwatsam, sai Ching Ching ta ga wata dama.. Ta ga kofin coffee Chief ya kusa ƙarewa. Ta ajiye tsintsiyar, ta matsa kusa da teburin, ta sa hannu za ta ɗauki kofin tare da faɗin

"Uncle, bari na wanke maka kofin nan na kawo maka wani shayin mai daɗi..."

Daidai lokacin da ta sa hannu, sai Gely ita ma ta sa hannu a kan kofin. Hannun Gely na ƙarfe ya taɓa na Ching Ching...

"Shugaba Ching Ching, wanke kofuna a kitchen aikinki ne,"
Gely ta faɗa cikin muryar robot mai sanyi...

"Amma ɗaukar kofin daga hannun Chief da kawo masa shayi, aikina ne na PA. Koma ki ƙarasa share wurin da kika bari."

Ching Ching ta harari Gely, ta ƙara matse kofin...

"Ni na ce zan yi! Uncle, kalle ta ko? Ko kofin ma ba za ta bari na ɗauka ba?"

Onyx ba tare da ya ɗago kai daga takardar da yake dubawa ba ya furta..

"Gely tana da gaskiya... Ching Ching, koma ki ƙarasa share-sharenki. Idan kin gama, ki tafi ki gyara babban falon baƙi..."

Ching Ching ta saki kofin cikin fushi, ta koma tana buga ƙafa a ƙasa. Ta san cewa Gely tana amfani da aiki ne don ta nisanta ta da Chief...

Yayin da Gely ta fita da kofin, ta gifta ta gaban Ching Ching. Ta ɗan tsaya kaɗan, ta kalle ta da idanunta masu sanyi, sannan ta raɗa mata a hankali yadda Chief ba zai ji ba..

"Nasarar da kika samu ranar, kuskure ne na lokaci ɗaya. Amma a yau, ni ce nake riƙe da kowane mataki na tafiyar sa. Ki ci gaba da shara, Shugaba Ching Ching."

Ching Ching ta kusa fashewa da kuka saboda haushi. Ta gane cewa yanzu Gely ba ta kishi ta hanyar ihu, tana kishi ne ta hanyar nuna cewa ita ce take da iko da komai na Chief.

Bayan Gely ta fita, Ching Ching ta matso kusa da teburin Chief, ta durƙusa a ƙasa kusa da ƙafafunsa kamar tana goge wurin...

"Uncle... gaskiya Gely tana takura min... Kuma... kuma ni har yanzu ina tuna abin da ya faru a ɗakina. Shin kaima kana tunawa?"

Onyx ya dakata da rubutun da yake yi. Ya kalle ta, ya ji wani irin tausayi da kuma shauƙin da yake ƙoƙarin dannewa...

"Ching Ching, na faɗa miki mu bar wannan maganar. Ki yi aikinki, ni ma na yi nawa."

Amma Ching Ching ta sanya hannunta a kan gwiwarsa a hankali, tana kallonsa cike da shagwaba...

"Amma ni bazan iya dainawa ba Uncle. Kullum idan na rufe idona..."

Kafin ta ƙarasa maganar, sai suka ji sautin takun ƙafar Gely tana dawowa...

Ching Ching ta janye hannunta da sauri ta fara goge ƙasa tana rera waƙa, kamar ba ita ce take magana ba...

Gely ta shigo ofishin riƙe da kofin shayin Chief, amma nan take na'urorin kyamarar idonta suka gano cewa akwai wani canji a yanayin zafin jikin Chief Onyx da kuma matsayin da Ching Ching take. Ko da yake Ching Ching ta janye hannunta da sauri tana goge ƙasa, Gely ta riga ta gano cewa an taɓa Chief a wurin da bai kamata ba...

Gely ta ajiye shayin cikin natsuwa, sannan ta juyo ta kalli Ching Ching...

"Shugaba Ching Ching, na'urorin dake ƙasan teburin nan suna da matukar muhimmanci.. Kada ki kuskura ki sake taɓa ƙafar Boss da sunan goge ƙasa, domin hakan zai iya goge wasu muhimman bayanai."

Ching Ching ta turo baki, ta miƙe tsaye tana kakkaɓe jikinta...

"Ke dai idonki ne ya nuna miki hakan! Ni goge wurin nake yi."

Chief Onyx ya yi gyaran murya don ya kawo karshen wannan takaddamar...

Ya kalli takardar dake gabansa, sannan ya kalli Gely da Ching Ching...

"Ya isa haka. Akwai wani babban aiki da nake son a kammala yau. Za a sauya duk labulen babban falon gidan nan zuwa labule masu sarrafa kansu wato Smart Curtains...."

Ya kalli Gely,

"Gely, ke ce za ki tsara yadda za a jera su..."
Sannan ya kalli Ching Ching,
"Ke kuma, tunda ke kika san yadda kuke son launin ɗakin ya kasance, ke za ki taya ta wajen jera labulen daki-daki. Ina son ku yi aiki tare don komai ya kammala kafin yamma..."

Ching Ching ta kalli Gely, Gely ma ta kalle ta...
Wannan shi ne karon farko da za su yi aiki kafada-da-kafada ba tare da Chief yana kusa ba...

✨

A Babban Falo...
Gely tana tsaye a kan wani dogon matakala tana ƙoƙarin haɗa wasu wayoyi a saman silin, yayin da Ching Ching take kasa tana ƙoƙarin miƙa mata labulen ɗaya bayan ɗaya...

"Miƙo min labule na gaba," Gely ta bada umarni ba tare da ta kalle ta ba...

Ching Ching ta ɗauki labulen, amma maimakon ta miƙa mata cikin natsuwa, sai ta tura shi da karfi yadda Gely za ta rasa daidaiton ta...

"Gashi nan! Ke komai sai kin nuna isa, kamar ke ce kika yi kanki."

Gely ta riƙe matakalar da kyau, ta kalli Ching Ching daga sama...

"Kina ƙoƙarin sanya ni faɗuwa ne? Kin sani cewa idan na faɗo a kanki, nauyin karfen jikina zai iya kakkarya ki."

Ching Ching ta bushe da dariya...
"To ai gara na karye da na zauna ina ganin kina nuna wa Uncle ke ce komai. Kin san me ya faɗa min dazu? Ya ce har yanzu yana tausayi na..."

Gely ta sauƙo daga kan matakalar a hankali har ta iso saitin fuskar Ching Ching...

"Boss yana tausayinki ne saboda ke marainiya ce mai bukatar kulawa, ba don yana sonki a matsayin mace ba. Kuma idan har kika sake taɓa shi a ofis kamar yadda kika yi ɗazu, zan sanya na'urorin tsaro su daka miki wutar lantarki wato electric shock da sunan kuskure..."

Ching Ching ta zaro ido...

"Kin ga! Kishi kike yi! Uncle ya hana ki kishi amma har yanzu kina nan kina yi."

Daidai nan, Chief Onyx ya leƙo falon don ganin yadda aikin yake tafiya...
Ching Ching tana ganinsa, sai ta saki labulen hannunta ta ruga wurinsa, ta faɗa jikinsa tana kuka..

"Uncle! Uncle! Kaga Gely ko? Wai cewa ta yi idan na sake taɓa ka zata sanya wutar lantarki ta kashe ni! Ka ji irin muguntar da take kulla min a ƙarƙashin ƙasa ko?"

Onyx ya kalli Gely, sannan ya kalli Ching Ching. Ya rasa wanda zai yarda da shi a cikinsu, domin kowacce tana da tata makarkashiyar...

Ching Ching ta daskare a wurin lokacin da Chief Onyx ya ture ta daga jikinsa. Kalaman sa na sake jaddada mata cewa ita 'Yar Aiki ce ke sun sanya ta jin wani irin ɗaci a makogwaronta...

Ta kalli